በርቃዊን ደምሳሳይን ዝኾነ ወፍሪ ኣሉላ ኣባነጋ ብዓወት ተዛዚሙ
Posted: Sun Jun 27, 2021 7:46 am
- ኣዛዚ ሰራዊት ትግራይ ተጋዳላይ ታደሰ ወረደ
በዚ መሰረት መበል 23 : 24 : 25 ክፍላተ ሰራዊት ከምኡ እውን 1 ብርጌድን 2 ቦጦሎኒን መበል 12 ክፍለ ሰራዊት : ነቲ ሰራዊት ክሕግዝ ዝመፀ ወራሪ ተስፋሕፋሒ ሓይሊ ክልል ኣምሓራን ፋኖን ኣብ ዝሓለፈ መጥቃዕቲ ዝተደምሰሰ ተረፍ መረፍ መበል 31 ክፍለ ሰራዊትን : ነዚኦም ክሕግዝ ካብ ሱሉልታ ብላሊበላ ኣቢሉ ዝመፀ 1 ኮማንዶ ብርጌድን ንወገን ዘኹርዕን ዘሕጉስን ንፀላኢ ድማ ቅስሙ ብዝሰብር መንገዲ ነቲ ናይ ፀላኢ ሓይሊ ሙሉእ ብሙሉእ ብምድምሳስ ብኣንፃባራቒ ዓወት ምዝዛሙ ወታደራዊ ወሃቢ ቃል ሰራዊት ትግራይ ኣፍሊጡ ኣሎ::
እዚ መስተንክራዊ ስርሒትን ድሙቕ ዓወትን ሓየት ሰራዊት ትግራይ ግፍዒ ሰሪሕኻ ካብ ትግራይ ምምላጥ ከምዘየለ : መሬት ትግራይ ረመፅ ከምዝኾነትን ዘረጋገፀ እዩ:: ናይዚ ኹሉ ዝርዝር ሓበሬታ ብቐፃሊ ከምዘፍልጥ ወታደራዊ ወሃቢ ቃል ሰራዊት ትግራይ ሓቢሩ ኣሎ::
ዓወት ንህዝቢ ትግራይ!
ትግራይ ትስዕር!